Жақсыдан үйрен.
 
Жақсыда жаттық жоқ.
 
Жақсының өзі өлгенмен
Сөзі өлмейді.
 
Өзі жақсы кісіге,
Бір кісілік орын бар.
 
Жақсының үйі мен түзі бірдей.
 
Таудың басын көр де,
Түбіне барма;
Жақсының өзін көр де,
Үйіне барма.
 
Ақ сауыттың жағасы бар,
Жеңі жоқ,
Шын жақсының ашуы бар,
Кегі жоқ.
 
Жақсыда кек жоқ.
 
Жақсы әйел теңі жоқ жолдас,
Түбі жоқ сырлас.
 
Жақсының жаны  – жаннат.
 
Жақсы адам жолдасынан танылғы.
 
Жақсымын деп мақтанба,
Халық айтпай,
Батырмын деп мақтанба,
Жеңіп қайтпай.
 
Жақсы  – ай мен күндей  –
Әлемге бірдей.
 
Күн ортақ,
Ай ортақ
Жақсы ортақ.
 
Жақсы кісі қартайса да,
Ақылынан танбас,
Жақсы ат қартайса да,
Жүрісінен танбас.
 
Ай жарығы – әлемге,
Шам жарығы  – түбіне.
 
Жақсыны көрмек үшін.
 
Сыпайыны үйде көрме,
Түзде көр.
 
Асыл әйел  –
Әрі еркек, әрі қатын.
 
Жақсы лепес  –
Жарым ырыс.
 
Жақсының аты өлмейді,
Ақынның хаты өлмейді.
 
Жақсыны жатқа санама,
Аласаны атқа санама.
 
Жақсы адамда жаттық жоқ,
Тәуекелдің көңілі жоқ.
 
Аққу құстың төресі,
Жалғыз жатып оттамас
Қас жақсының белгісі
Қара сөзді жақтамас.
 
Жақсы қыз  –
Жағадағы құндыз,
Жақсы жігіт  –
Көктегі жұлдыз.
 
Жақсы туса  – ел ырысы,
Жауын жауса  – жер ырысы.
 
Жақсы жатырқамайды,
Аңқау аңдамайды,
Әңгүдік тыңдамайды.
 
Жақсымен сөйлесең,
Көңілің ашылады.
Биік төбеге шықсаң
Көзің ашылады.
 
Қас жақсының белгісі
Қайғысын жұртқа білгізбес.
 
Ақ сұңқар ұшқырмын деп мақтанба,
Алдында құрулы торлар бар.
Арғымақ жүйрікпін деп мақтанба
Алдында алуан орлар бар.
 
Жақсының үйі түссе,
Күйі түседі,
Жаманның үйі түссе
Миы түседі.
 
Жақсы келді дегенше
Жарық келді десейші.
Жақсылықтың уытын
Алып келді десейші.
 
Жақсы болсаң  – жақын көп.
 
Жақсылардың үлгісі
Жанып тұрған шамдай.
Шешендердің сөздері
Ағып тұрған балдай.
 
Жақсылық қылсаң жасыр,
Жақсылық көрсең асыр.
 
Жарлыға қарас,
Жәрдемі тиер әр жерде,
Жақсымен жанас,
Шарапаты тиер тар жерде.
 
Аз жақсылық —
Ақылды тең етеді.
Көп жақсылық —
Ақылды кең етеді.
 
Жақсылықтың ерте-кеші жоқ.
 
Көбенге шыққан тал жақсы,
Күміске құйған бал жақсы.
Көбелең өскен жігіттен
Көкала сақал шал жақсы.
 
Жақсыдан —шарапат.
 
Әкең жақсы кісі еді,
Жел жағыңа пана еді.
Анаң жақсы кісі еді,
Жетімдерге ана еді.
 
Қайғы деген жылан бар
Өзекті шағып, өртейтін.
 
Қайрат деген қыран бар
Өлімге күш бермейтін.
 
Бардан — пейіл,
Жақсыдан — мейір.
 
Біреудің өзі жақсы,
Біреудің көзі жақсы,
Біреудің сөзі жақсы.
 
Келінді келін демесең,
Жақсы болса өз қызың.
Күйеуді күйеу демесең,
Жақсы болса өз ұлың.
 
Көргені жоқ көріктіден,
Тәлім көрген текті артық.
 
Жаңбырсыз жер — жетім,
Жақсысыз ел — жетім.
 
Жақсылық жүрген жерде
Тапшылық болмайды.
 
Қас жақсының белгісі —
Топтан торай шалдырмас,
Жолдасын жауға алдырмас.
 
Су ағады сайменен,
Шам жанады майменен.
Жақсыға жақсы қосылса,
Күн туады айменен.
 
Атадан — өсиет,
Анадан — қасиет.
 
Жақсылықты басыңа қыл,
Басыңнан артылса досыңа қыл.
 
Достың ескісі,
Тонның жаңасы жақсы.
 
Жаны жақсы ағаның
Етегін баспа, жолын қу.
Болайын деген баланың
Бетін қақпа, белін бу.
 
Жақсы жанның
Майлығы мен сулығы бірдей.
 
Қызың жақсы болса,
Өрісің кеңейеді.
Ұлың жақсы болса,
Қонысың кеңейеді.
 
Жақсыға барсаң —
Жазылып қайтарсың.
Бақсыға барсаң —
Қағынып қайтарсың.
 
Жақсыны көрмек үшін,
Сұлуды сүймек үшін.
 
Жақсы ат аяғынан қалады,
Жақсы адам құлағынан қалады.
 
Бітер істің басына —
Жақсы келер қасына
 
Алтын белдік — бел сәні,
Асы жігіт — ел сәні.
 
Сырласуға дос жақсы,
Сыйласуға жат жақсы.
 
Жақсы дос —
Басыңа дос
Жаман дос —
Асыңа дос.
 
Аға болар жігіттің
Етек-жеңі кең келер.
Арғымақ болар құлынның
Жал, құйрығы дөңгелер.
 
Жақсы жігіт,
Бір мінез ат дос сақтайды.
Жақсы әйел,
Бір ішер ас сақтайды.
 
Алмасты алмас кеседі.
 
Жақсылыққа жерік кісі —
Уәдесіне берік кісі.
 
Екі тентек кездессе,
Төбелеспен тарқайды.
Екі мылжың кездессе,
Ерегіспен тарқайды.
Екі жақсыкездессе,
Елжіресіп тарқайды.
 
Жігіттің жақсылығын
Жұрты білер.
 
Жақсының өңі қартайса да,
Көңілі қартаймайды.
 
Алғаның жақсы болса,
Бұл дүниенің шырағы.
Мінгенің жақсы болса
Бұл жалғанның пырағы.
 
Асылдың сынығы —
Айдынның тұнығы.
 
Жақсылық біреуден қайтпаса,
Біреуден қайтады.

Жоқтыққа жүйрік жетпейді.
 
Адалдық ардың ісі,
Ауырлықты көтеру нардың ісі.
Жақсы іске жан сүйінер.
 
Жақсының жаттығы жоқ.
 
Жақсыжастаншығады,
Темір тастан шығады.
 
Жігіт жақсысын —
Сұлтан дейді,
Ит жақсысын —
Сырттан дейді.
 
Жақсы — елдің мақтаны,
Жұпар гүл — жердіңмақтаны.
 
Жақсы кісі өлмесін,
Жамандықты көрмесін.
 
Жақсы ай менен күндей,
Жақсылығы жанның бәріне бірдей.
 
Өгіздің өзі қартайса да,
Мұрыны қартаймайды.
Жақсының өзі қартайса да,
Көңілі қартаймайды.
 
Жақсылық ұмытылмас.
 
Ақылды кісіні аяла,
Ақымақ кісіні аяма.
 
Жақсыны көріп —
Жан семіреді.
 
Жақсылық етсең, жарты етпе.